Leef zoea leef

Leef zoea leef
Ich höb vastelaovendj leef
’t Is det geveul, huer die träöt en die trom
Den bön ich weer om! 
Leef zoea leef 
Same met dich, mien leef 
Waat ich noe veul, ich geneet en belaef
Woea ich alles väör gaef
Same met dich  As de blaajer gaon valle 
Huer ich minse al kalle 
’t Waerdj kaojer, met donkere daag 
’t Geit los in november
Ich bön klaor, van mich kén d’r
Lever gister nog, dan vandaag!
Eder jaor weer, verslaafdj aan dae sfeer
Vastelaovesgelök
Kumptj eder jaor trök As ich kiek op ’t plein
Staon hiej minse biejein
Aod en jonk, alles doorein
Kiek det meuderke lachtj
En dao hiël onverwachtj
Zeen ich opa ouch gaon, ach wat fijn! 
Hiej in dit laeve, alles te gaeve 
Kumptj eder jaor trök
Vastelaovesgelök