Drek Prinses

Koeplet 1:
Noe sjtel dich veur
Die van de raod zeen in de sjtraot en zie gaon van deur tot deur
Win prins of ein prinses, d’r is gein veurkeur veur
Mèr nemes is te vènje, dat sjtelt hun flink teleur
Noe zeen ze in mineur, ze höbbe geine primeur
Mèr dan!... Sjprèng ich veur hun in de bres
Want dan zeen ze bie mich, aan ’t gooje adres!

Refrein:
Esse mich komme vraoge, waer ich drek/drag prinses
Hoof ich neet lang te dénke, roop voloet: yes!!
Mit glitter op mien ouge en ein krûenke oppe kop      
Kense mit dees prinses alle kanjte op
Esse mich komme vraoge waer ich drek/drag prinses
Zweaj dae septer in ein kleid van kanjt en mesh
Dan wurd dae vastelaovend hie ein groat succes
Raeken mèr van yes!

Koeplet 2:
Noe denk dich in
‘t Prinsepaar is klaor d’r mit en huit de pin d’r in
Ze höbbe van vandaag op mörrege geine zin
De raod is om te vrékke, noe zeen de raape gaar
Wo venje ze last minute nog ein prinsepaar
Mèr dan!... Höb ich ech ein good idee
Geer gaot ’t neet gluive, ich maak plezeer veur twee!

Brug:
Noe vier ich vastelaovend op de hakke sjoon
Al weit ich dat mich dat verrekkes pien geit doon
‘Ich maak mich op’ veur eine vastelaovestermien
Denk drek aan dees qwien
Denk drek aan dees qwien

Slot:
Zit in Limburg eine raod in de sjtress?
Vraog ein drek/drag prinses!