Vastenaovesdroëmbaan

Koeplet 1:
Zaot beej juf Janssen in de les
Waor misschien en jaor of zaes
Haj vur tellen, schriêve, laeze, gojje punte in de tès
Vroog de juf wát wilde waere, um ow gaeld beejiën te kaere, president, astronaut of wèrde kojboj met gewaere
Links huur ik um roope "heej kumt in de krânt" en veur meej wèt ‘ie zeker "Ás mislukte muzikânt"
Nea ik droëm echt maar ván iën ding, strakkes dán griep ik mien kans

Refrein:
Want ás ik straks dansmarietje bin
Kán vastenaovend ni kapot
Heb in din preensemuts toch ga gèn zin
‘K heb livver vaere in de vot

Met ‘t allerschonste pèkske aan
Vleeg ik de vastenaovend door
Laef ik drie daag lang mien droëmbaan
Met de vutjes ván de vloor

Koeplet 2:
Beej de wagen baovenop
Stijgt de joeks wèr naor de kop
Zittingsaovend, truujeballen,
Jao ik haop dát ‘t noeits stopt
Zelfs en split die ni gâns lukt
Ok al is dát net te duk
Of en ladder in de panty brengt meej nou ni ván mien stuk
De meense zegge “wat haalt din zich in de kop”
"En kel ás dansmarietje, hoe komen ze d’r op"
Maar ‘k bin wies smèrges vroeg de groëte man
Tot ik ni mier de cancan kán