Wae dinke um!

Tekstschrijver(s): Job van Hoof
Componist(en): Job van Hoof
Uitvoerende(n): Prins & Aod Prinse Graashook
Plaats: Grashoek

Wae dinke um!

Intro:
Alle vastelaovesgekke zien hiel slum….. Wae dinke um um um

Koeplet 1:
As de mood os in de sjoon zakt, staon wae dreij daag oppe kop
Beer is een gezonde superfood, want ut wurd gemakt van hop
Lupse een kroeg met inkel vrimde minse binne
Det is een kroeg vol kammareuj die wae neet kinne
Eindigt dit leedje straks as litste det duit echt gin centje pien
Wae zien wae neet verlore, dit kin os bekore, umdet wae de aller aller allerlitste winnaars zien

Koeplet 2:
Wae zinge gaar neet vals mer wae zien erg vreij van stum
En dinke nou dreij daag neet veul nao en juust det is erg slum
D’n optocht laupe door de raegen kin niks gaeve
Want wae beseffe os ut meiste vilt d’r naeve
Zoot d’r gin rem op diene dorst en mosse speije van ut beer
Dan bisse neet dronke, te zaat of besjonke, mer doe viers duurzaam vastelaovend, doe bis beer recycelaer

Brug:
Dees heilige fiesttent is os Lourdes mer dan umgekierd…
Want doe lups sprankelend nao binnen, mer sjravelend nao boete asse duchtig vastelaovend hees gevierd!

Refrein:
Alle vastelaevesgekke zien hiel slum
Wae dinke um, um um um um...
Wat slecht liekt wurd nou efkes angersum bekeke
Zoe vilt d’r mit de vastelaovend niks te greke
Wae gaeve alles unne positieve slaag
Wae dinke um dees daag
Dig zurg make is verkierd um fantasere, en kiek wie zurgeloos det wae os amusere
Dan lup ut zoe gesmeerd det wae um nog neet… smere!