Bis de zón de nach vingt
- Tekstschrijver(s): Ieke Winkens
- Componist(en): Ronald Claessens
- Uitvoerende(n): Sám & Stan
07
Refrein:
Vier mit ós vasteloavend
Bis de zón de nach vingt
Loat ‘t meh gebure
Wat d’r oavend dich óch bringt
Zing um te vergeëte
Onthaot dat se leëfs
Vier vasteloavend
Bis de zón de nach vingt
Koeplet 1:
’t Sjneit werm confetti, noe reëgent ’t sjpas
D’r wink va plezeer, deë trukt ós aa d’r jas
Vier plukke de nach, ze bluit meh hieël eëve
Dus weë te lang wacht, deë griept nog d’r neëve
Sjpiet is vuur later, vier zint nog neet meug
Effe ónsjterflig, de res kump murgevreug
Refrein
Koeplet 2:
Vannach gónt v’r danse, es of ginne kiekt
Egaal wat de zurg zint, huuj is nieks wat ’t liekt
Kom sjoenkel mit mich, bis de zón ós betrapt
Da wals ich mit dich, bis d’r nuije daag ós sjnapt
’t Is vasteloavend, ’t leëve is good
In polonaise, ’t geluk teëgemood
Refrein
Brök:
‘t Betste idee kump döks noa middernach
Weë dat neet geleuft, hat neet lank genóg gewach
Weë dat wilt beleëve, deë viert en deë zingt
Doog mit ós mit, bis de zón de nach vingt
Refrein (2x)
