Koekoek
- Tekstschrijver(s): Maurice Pluijmakers
- Componist(en): Maurice Pluijmakers
- Uitvoerende(n): Plekbend
29
Koeplet 1:
Bie mien oma in de kamer hingk 'n ouwe koekoeksklok
Zoa wie in vreuger jaore menigein die heij
Meh taege vastelaovend raak dat bièske opgefok
't Haet van oer en tied dan gaaroet gein bezeij
Meh geit 't deurke aope, sjteit ederein versjtèld
Wat oet zoa'n koekoeksklökske, de kamer binnevilt
(En dan huèrsj te:)
Refrein:
Koekoek! Koekoek! Dan kump 't veugelke nao boete
Koekoek! Koekoek! 't Sjreijt zich bienao boete aom
Koekoek! Koekoek! Luuj, noe rammele de roete
Want door dat deurke wurmp zich de ganse santekraom
En in een mum van tied sjteit al vol vastelaovesgekke
De kamer en de keuke, zelfs de gank weurt euversjpeuld
Ze zinge en ze zègke dat ze lekker blieve plekke
Totdat op Esjlegoonsdig ederein zich koekoek veult.
(En dan huèrsj te:)
Koekoek! Koekoek! Dan geit 't veugelke weer truuk
't Deurke sjluut, noe hilt 't zich 't ganse jaor keduuk
Koeplet 2:
Kiek: de vors, de raod van èlf mèt de prins en de prinses
Dat vluug achter dae koekoek door de kamer heen
De dansmeriekes, dan 't boerebroedspaar en de res
't Is eine bonte sjturm, ich höb 't zelf gezeen!
De wages oet d'n optoch, ós zaate hermenie
En zelfs die van de Plekbend, die zin van de partie!
(En dan huèrsj te:)
Brug:
De ganse kliek zoot in die koekoeksklok
Meh die sjlaon noe hun vleugels oet
Ze waere drie daag lang neet opgehok
En ze gaon in polonaise door de boet
Ze gaon in polonaise door de boet
Slot refrein:
Koekoek! Koekoek! La la la la la la la la
Koekoek! Koekoek! La la la la la la la
Koekoek! Koekoek! La la la la la la la la
La la la la la la la la la la la la la
En in een mum van tied sjteit al vol vastelaovesgekke
De kamer en de keuke, zelfs de gank weurt euversjpeuld
Ze zinge en ze zègke dat ze lekker blieve plekke
Totdat op Esjlegoonsdig ederein zich koekoek veult
(En dan huèrsj te:)
Koekoek! Koekoek! Dan geit 't veugelke weer truuk
't Deurke sjluut, noe hilt 't zich 't ganse jaor keduuk
