Allerletste muntje in de tes
- Tekstschrijver(s): Bas Geujen
- Componist(en): Bas Geujen
- Uitvoerende(n): Veterane Revoc-VCB
34
Koeplet 1:
Vanmorge bön ich effe, naodet ich waar opgesjtaon
Door de tesse van de jas van gister haer gegaon
Dao veulde ich get zitte in de tes van miene jas
Det bleek ‘n munt van gister, ich dach: “dae kump waal van pas…
As ich dae knómmel weggoeëj, is det zunj!
Dus gaon ich mèt det muntje veur de allerletste runj!”
Refrein:
Ich mot nag truuk, ich mot nag truuk
Ich mot vandaag nag efkes gaon…
Ich mot nag truuk, ich mot nag truuk
De Vastelaovend is veur mich nag neet gedaon!
Dankzij det eine kleine muntje
Drink ich vandaag ‘n letste rundje…
Ich mot nag truuk, veur de res
Dankzij det allerletste muntje in de tes!
Koeplet 2:
Ich höb mich weer verkleijd en bön weer nao de kroeg gegaon
Aan de bar bedach ich: “Op ein bein kèn ich neet sjtaon”
Dus toen van erme ozel nag get munte biegekoch…
De kastelein dae vroog wievuul, ich zag: “doot maar genog!
Doot maar zoevuul as ich vandaag nag drink
En den nag eine extra, zoeëdet morgevreug weer klink…”
Refrein (2x)
