Veer verstoon us good

Intro:
Veer zien al jaore hiel gooj vrun en dat blieve v’r zoewiezoe  
Ouch al vreigele veer us dèks, en dat geit daan miestal zoe:

Koeplet 1:
Vin iech 't kort, vint zie 't laank
Es iech zègk: "Kom", daan zeet zie :"Gaank"
Höb iech ’t kaajt, heet zei ’t werm
Zègk iech: ”Zjus good!!", zeet zie ”Ocherm”

Daan kump altied de vraog:
"Verstaot geer twie uuch nog…??"

Refrein:
Veer verstoon us good veer spreke Limburgs oonderein
Alles wat gezag weurt dat begriepe veer metein
Veer zègke ’t rechoet, doen neet aon koenkelfoezelerij
En dat veer us wel ‘ns vreigele, dat huurt gewoen de bij
Jalailala, jalala veer verstoon us prima
Jalailala, jalala veer verstoon us good

Koeplet 2:
Iech bin leef, zie is dèks vrech
Vin iech ’t good, vint zie ‘t slech
Es iech gere blief, daan wèlt zie goon
Es iech wel zitte, welt zie stoon

Ouch daan kump weer de vraog:
“Verstaot geer twie uuch nog...??“ 

Slot:
Ouch al vreigele v’r dèkser oonderein,
Veer kinne ech neet zoonderein…