Veerdj Vastelaovendj met Wiel en Nel
- Tekstschrijver(s): Huib van Deursen
- Componist(en): Huib van Deursen
- Uitvoerende(n): Un dael van Riete gek
43
Intro:
Wiel en Nel, Wiel en Nel, Wiel en Nel
Refrein:
Veerdj vastelaovendj met Wiel en Nel (Wiel en Nel)
Aovendj aan aovendj, waat ein schoeën stel (Wiel en Nel)
Nel di-j springtj bove oppe steul
Wiel kriegtj ein hemelsgood geveul
Nel geuftj ‘ne slinger aan de bel
Ut leste röndje van Wiel en Nel (Wiel en Nel)
Koeplet 1:
Wiel is eine gooje zok
En Nel ein gekke doeës
Mer veur det Wiel opgang kumtj, det doordj ein hieële poeës
Mer Nel is neet te hojje, opens un houp kabaal
En Nel die luiptj de polonais de vlik vlak door de zaal
Refrein
Koeplet 2:
Aan de aovendj kumtj un indj
De lampe gaon al aan
Mer veur det Nel nao hoeës gieët ruptj Wiel nog hieël spontaan
Now mojje toch us kieeke, ich ving det toch zoe knap
En Nel maaktj gauw ein vogelnestje aan de lampekap
Refrein
Brök:
Same sloffe ze nao hoeës en straole van gelök
En Wiel en Nel di-j dinke aan de aovendj nog us trök
Wiel en Nel, Wiel en Nel, Wiel…
Slot refrein:
Veerdj vastelaovendj met Wiel en Nel (Wiel en Nel)
Aovendj aan aovendj, waat ein schoeën stel (Wiel en Nel)
Nel di-j springtj bove oppe steul
Wiel kriegtj ein hemelsgood geveul
Nel geuftj ‘ne slinger aan de bel
Ut leste röndje van Wiel en Nel (Wiel en Nel) (2x)
