Finalisten LVK 2026

01. Niks Niks Niks!

Prins & Aod Prinse Graashook

Grashoek

Intro:
Niks... niks… niks… niks… Niks kin Vastelaovend euvertreffe

Koeplet 1:
Op vakantie good ontspanne, in een lekker werm lank Mer mit -5 optocht laupe zit de zurg pas aan de kank Oppe kermis aandacht trikke, en op de boksbal slaon Mer hou de dieke trom en gin vrouw kin dich weerstaon Jao d’r is ein ding det gans limburg zich beseft, d’r is niks-niks-niks Det vastelaovend euvertreft

Refrein:
De traöt kin knaokehelder ’t Fiëst kin daakd’raver De röndjes kinne sneller Alaaf kin nog alaver Mer ein ding -ein ding- mosse good beseffe Niks-niks-niks kin vastelaovend euvertreffe Niks-gaar niks kin vastelaovend euvertreffe

Koeplet 2:
Doe kriegs groëte potte beer, op een oktoberfest Mer mit de vastelaovend wurd de dorst pas good gelest Diene trouwdag waas romantisch, en ’t fiëst waas gans geslaagd Mer doe ruils dae rink zoë in, veur eine vastelaovesdaag Jao d’r is ein ding det gans limburg zich beseft, d’r is niks-niks-niks, det vastelaovend euvertreft

Refrein

Brök:
En as Niel Armstrong oet de States, in Limburg waas gebaore Dan waar dae maonlanding echt noeit, nae noeit, nae noeit, nae noeit Zien nummer ein moment gewaore

Refrein (2x)

02. Ich heb 'n stam ontdektj

Men in Pek

Stramproy

Intro:
As Columbus door get tegewîndj de Maas waas op gedreve,
Dan haaj det Ei waarsjienlik in zien sjeepsjournaal gesjreve…

Refrein:
Ich heb ein stam ontdètj, die is echt knettergek
Die vere fieëst, mèt verf oppe gezichte
Ich heb ein stam ontdèktj, die is ech knettergek
’t Doortj nog waal een poeës veur wae `t anker lichte

Koeplet 1:
Ze kalle plat, ‘n eige taal en drage boontje kleijer,
En 't aete is neet normaal, ketels zoorvleîs en spek mèt eijer
De vrouluu zeen prachtig en straolendj en boontj
En ein hieël dorstlustig stamhoofd, luiptj mèt lange vaere roondj

Refrein

Koeplet 2:
Dit is ‘t paradies op aerd, det heb ich al gesjaote
Hie trèktj ’n optocht zoeë gesmeerdj, vol rituele door de straote
Trök zieë op det geit neet, wae bliêve aan wâl
Want de steurman is gesneuveldj, op ‘t groeëte optochtbâl

Brök:
Det Amerika det moog van mich ‘ne angere gek ontdèkke
Wae blieve veurluipig hiê in Limburg plekke!

Refrein (2x)

03. Wat 'n verhaol

Rempetemp

Amstenrade

Wae sjrieft dit vastelaovesverhaol? Veer allemaol!

Koeplet 1:
D’r waor èns ’n prins, mit ’n prachtige sjteek
Hae bedach zich inèns toen hae naeve zich keek
‘Mien sjeun sjoën gelakt mer wat haw ich toch gaer
Gans sjtrak in ’t pak ‘n prinses om mich haer’
D’r waor èns ’n maedje, nog gaar neet op zeuk
Dat zoog in ’n blaedje ‘n plaetje zo leuk
Zie dach: noe of oeëts hoop ich dat ich ‘m ving
En noe raojse noeëts wae al naeve häör sjting
Wat toen gebeurde dat sjprikt veur zich
Want sjtiekem geit dit verhaol auch euver dich

Refrein 1
Wae sjrieft dit vastelaovesverhaol? Veer allemaol!
Wae sjrieft dit vastelaovesverhaol? Veer allemaol!
Ich raak neet oetgesjreeve, neet oetvertèld
Nieks euverdreeve, sjtaon gans versjtèld
Es ich ’t lètste hoofsjtuk haol
Dènk ik: wat een verhaol!

Koeplet 2:
Honderdèllef jaor wiëer, ’n angere date
En toch kiëer op kiëer, ’t zelfde leed
’t Begint mit ’n vönkske, de vlam in de pan
Es maedje, es jönkske, wat zaese dan?
Ich zigk vanaovend, dat sjprikt veur zich
'ich vastelaovend veur altied mit dich’ 

Refrein 2
Wae sjrieft dit vastelaovesverhaol? Veer allemaol!
Wae sjrieft dit vastelaovesverhaol? Veer allemaol!
Al is dit verhaol mit gein pen te besjrieve,
Hie hawse bie motte zeen.
Dus blief ‘t herhaole, totdatse kèns sjrieve,
‘noe höb ich alles gezeen’.

Refrein 1

Outro:
Dan dènk ich: dezen daag plök ich
En veer viere nog lang en gelökkig

04. Het sjtopleech van de vasteloavend

Joy Blijdenstein

Heerlen

Refrein:
Rood, beteikent hie neet sjtoppe
Geal, dan sjteet de tap gans aope
Greun, dan goan ver volle gaas veuroet
Hey hey hey hey

Rood, ohohohohohoho
Geal, ohohohohohoho
Greun, ohohohohohoho
Hey hey hey hey

Koeplet 1:
Ver hubbe, hubbe, hubbe, hubbe haast
Ver geave, geave, geave, geave gaas
Opzie, opzie, opzie, opzie, maak plaats
Ver sjtoppe, sjtoppe, sjtoppe neet helaas
Ver goan derveur

Refrein:
Rood, beteikent hie neet sjtoppe
Geal, dan sjteet de tap gans aope
Greun, dan goan ver volle gaas veuroet

Rood, kin se gewoon negeren
Geal, zal nooit oranje weare
Greun, dan is der stjtumming in de boet

Dat is het sjtopleech van de vasteloavend
Dat geuf os alle dage sjteun
En dat sjtopleech heat gein kleur veur sjtoppe
Veer viere door al is het rood, geal of greun

Koeplet 2:
Loat goan, loat goan, loat goan, loat goan, sjeet op
Zit alles, alles, alles op de kop
En ginne, ginne, ginne zeat heurop
Ver komme, komme, komme neet meer sjtop
Ver goan derveur

Refrein

Brök:
Rood, ohohohohohoho
Geal, ohohohohohoho
Greun, ohohohohohoho
Hey hey hey hey

Refrein

Rood betekent hie neet sjtoppe

05. Alles op 11

Spass Partout

Venlo

Koeplet 1: (Mestreech)
Sjöppe en aoze, wat lègkste oet?
Wat heet de buurmaan, harte of roet?
Ein dingk is zeker en neet verzonne
Mèt have inzat weurt meh half gewonne
Späöl ope kaart, laot ‘t gebäöre
Op good gelök, veer goon naor väöre!

Refrein: 
Alles op 11, kiér op kiér (Venlo)
Späöl liever de joker es d’n hier (Mestreech)
Alles op 11, eedere kier (Mestreech)
Zoëdet ik voloét vastelaovend viér (Venlo)
Vendaog is de daag, veul mien hartslaag (Mestreech)
Steeds wat dökker slaon (Venlo)
Toch blief iech goon en geef iech gaas (Mestreech)
Wiés ut letste oor (Venlo)
Alles op 11, kier op kier (Mestreech)
Alles op 11, as ik vastelaovend viér! (Venlo)

Koeplet 2: (Venlo)
Ut belke dreijt rond, waor kump ut neer?
Onaeve zwart, vieftiën min veer?
Vol gooje mood, heb nog niks verlaore
Gen glaze bol maar veur ‘t gelök gebaore
Kom maak os riék, met vastelaovend
Limburg all-in, speul mei vanaovend!

Refrein

Brök:
Rien ne va plus, ik pak dien hand (Venlo)
De spanning stijg, weej halde stand (Venlo)
’t Bèlke vèlt stèl, ’t leve kump trök (Mestreech)
Roed geel en greun, ’t is tied veur gelök! (Mestreech)

Refrein

06. Es ich örges getapt mot waere

't Graotekoeër

Neer

Koeplet 1:
Mit z’n alle op paad, alle vrunj in ut vaat
De vrachwage in en op waeg
Biej ein kroeg werd gestop en toen vaerde wae op
Want we wiste die tappe os laeg

Nog efkes den gaon wae d’r allemaol aan
Alle vrunj vleege noe ein väör ein door dae kraan

Refrein:
Es ich örges getapt mot waere
Den tap mich in hemelsnaam hiej
Ich mot toch vreug of laat
Unne kier oet ’t vaat
Laot mich mit vastelaovendj den vriej

Den zik ich nao eine sjloek of veer
‘t woor ein noeits te vergaete-keteer
Vastelaovendj, ich woor d’r biej
Dus tap mich in hemelsnaam hiej

Tussenstuk:
Riet um aan, riet um aan, riet um aop
Duchtig dorst det is woea ich op haop

Koeplet 2:
Mit z’n alle op paad, door de loch op ein blaad 
Nao ein sjoean kompenie ongerwaeg
Die knalde os taegenein, reepe “proost det waas fijn”
En toen woor ich al haos half laeg
Waat ein fieëst, mer helaas is de baom weer zicht
Nog ein leedje den is ut aswoonsdig väör mich

Refrein

Brök:
De allersjiekste jaomer 
is det ich vanaovendj
Op mien hoeagtepuntj mot stoppe
Mer waal mit vastelaovendj

Refrein

07. De Vastelaovesvirtuoos

Oét de Maot

Venlo

Koeplet 1:
Zings dich ech super schoeën d’r naeve
Bliefs se rundjes aan ‘t gaeve?
Brings dich stumming in de tent?
Veult ein kefee vol onbekinde
As dien vastelaovesvrinde
Mit ein joeksig oét-de-maot-geveul talent?
En traps se vief daag op ‘t gaef-maar-gaaspedaal?
Is dien pekske magistraal
En schaele wazel geniaal?
Dan röp heej de ganse zaal: ECH NEET NORMAAL!

Refrein:
Kiek dan dao is se
‘t Kós neet misse, de Vastelaovesvirtuoos
Dees daag de beste, altied de letste, noow geit ‘t zeker weite loos
De kampioen in d’r genne euverslaon
En vedette in maar neet nao hoés toe gaon
Want dich geis eindeloos, bis grandioos en raks noeit oétgeproos:
De Vastelaovesvirtuoos

Koeplet 2:
Bis dich de keuning van ‘t klinke
En de Rembrandt van ‘t schminke?
Zien dien sjoenkelmoves briljant?
Zings dich nog door op de WC
Bis se morge ouk weer heej?
Steis se nao sloétingstiéd in ik-wil-blieve stand?
En traps se vief daag op ‘t gaef-maar-gaaspedaal?
Is dien pekske magistraal,
En schaele wazel geniaal?
Dan röp heej de ganse zaal: WAAT EIN KABAAL!

Refrein

Weej zien gebaore met ein vastelaovesgen
En dus gemak veur de joeks en veur de jen
Kiek noow ens rond: In elk kefee, op idder plein
Staon alle nog-neet-oétgeproosde vastelaovesvirtuoze allemaol beejein!
DET VEULT ZOEË FIJN!

Refrein

Outro:
Want dich geis eindeloos, bis grandioos! en raks noeit oétgeproos:
De Vastelaovesvirtuoos

08. 20 Waeke Echo

Plekbend

Arensgenhout

Koeplet 1:
Veer ginge nao d'n 20 waeke echo, echo
't Ièsjte kiendje woort bie ós verwach
En luuj, bie zoa´ne 20 waeke echo, echo
Weurt dèks al 'ns gevraog nao 't gesjlach
Meh die 'kundige' die haet ós toen 'verlos'
Mèt get wovan v'r gaar neet wiste, nae ech neet wiste dat ’t kos

Refrein:
Dit... weurt eine vastelaovesgek
Ich hoof neet lang te kieke, nae ich zeen 't d'rek
Dit... weurt eine vastelaovesgek
En bliek 't neet te kloppe, dan sjeet geer mich mer lek
Noe kiek 'ns nao d'n echo, dae is in zjwart en wit
Meh toch zeen v'r aan 't sjnuutje dat d'r sjmink op zit
Dit... weurt eine vastelaovesgek
Aan laeveslus en humor gein gebrek

Koeplet 2:
Wat waore veer gesjrókke van dae'n echo, echo
Veer zoote mèt de hendjes in 't haor
Want mèt 't resultaat van zoa'ne echo, echo
Wie maaks te dan de kingerkamer klaor?
Want de kleure blauw of raos zin te geweun
Dus wèts te wat, veer make alles, veer make alles road-gael-greun

Refrein

Brök:
Os kiendje zoog al gauw 't laevesleech
meh bäöke dat waor alles wat 'r deeg...
Tot hae zien ièsjte rammelesjenske kreeg
want noe sjatert 'r en sjoenkelt in zien weeg!

Slot refrein:
Dit... weurt eine vastelaovesgek
Ich hoof neet lang te kieke, nae ich zeen 't d'rek
Dit... weurt eine vastelaovesgek
Aan laeveslus en humor gein gebrek
Dit... weurt eine vastelaovesgek,
Ich hoof neet lang te kieke, nae ich zeen 't d'rek
Dit... weurt eine vastelaovesgek
En bliek 't neet te kloppe, dan sjeet geer mich mer lek!
Noe kiek 'ns nao d'n echo, dae is in zjwart en wit
Meh toch zeen v'r aan 't sjnuutje dat d'r sjmink op zit
Dit... weurt eine vastelaovesgek,
Aan laeveslus en humor gein gebrek
Aan laeveslus en humor gein gebrek

09. Òp Karákter

Pruuf Mar

Ysselsteyn

Koeplet 1:
Och god, ‘t is wér zò wied
D’n dráng nor huus bin ik kwiet
De naacht is mien kòmpas
Hoewél dat nie de áfspraak was

Ik kan d’r niks àn doēn
‘t Aoverkumt meej gewoeën
Mien prinsiepes zien gegaon
Már hebbe meej hiēr laote staon

Verstând thuus, gâns muuj, ver van huus, dur de blaore hin
En wieët dat ik verlaore bin

Refrein:
Dus weej doēn ‘t òp karákter
De ruggegraot wert lánksaamán wat zaachter
Vanaovend doēn we alles òp karákter
We gaon vurlueëpeg òs bed nie mér ziēn
Nog nie messchien!

Weej doēn ‘t òp karákter
Braaf nor huus dat schūve we nor aachter
Vanaovend doēn we alles òp karákter
Maerge genne spiet van de pien
Nog nie messchien!

Koeplet 2:
Haaj miene jas al dicht
Már bin toch wér gezwicht
Waor ‘n wil is, is ‘n weg
Már ‘t wille is al weg

Ik kan d’r niks án doēn
Gaef meej aover gewoeën
Vastelaovend het meej vâst
Kòm hiēr noeëts mér weg vannaacht

Verstând thuus, gâns muuj, ver van huus, dur de blaore hin
En wieët dat ik verlaore bin

Refrein

10. De Zjwaorgewichte van de Sjpas

4TON

Berg & Terblijt

Koeplet 1:
‘ns Aeve kieke of de waegsjaol ós nog hilt
Veer zeen neet van ’t sjlankheidsideaàl
’t Boejt ós niks al sjleit dat dink finaal op tilt
Get extra kilo’s is ‘t ‘Nuuj Normaal’
Want luuj, aan ós is gein dieet
En ouch de sjportsjwaol neet besjteed!

Refrein:
Veer zeen de zjwaorgewichte van de sjpas
En dat volume kump noe oet de kas
Veur get stjuming in de boet
Mot dae voele zjweit noe d’r oet
Dus sjnap uch ‘ns aeve aan ’n rôlke vèt vas
Es mèt de carnaval de polonaise geit
Dan goaj veer alle kilo’s in de sjtrijd
‘ne Beerboek wie nog nie, en de sixpack nondepìe
Dae liek thoes op ós te wachte in de keulkas

Koeplet 2:
De diekköp luuj, die zeen d’r noe finaal mèt klaor
Wat is dao in ’t zuuje aan de hand?
Worum zin al die Limburgers get extra zjwaor
Vergeleke mèt de res van Nederland?’
Wat is uniek aan ’t Limburgs ras?
Dat zeen die extra kilo’s sjpas!

Refrein

Brök:
Veer viere lekker vastelaovend
En veer veule ós uniek
Want veer zeen ’n bitje zjwaorder
Meh veer make ós neet diek!

Refrein

11. Gein zîn um ut aaf te lieëre

Miserabel

Heerlen

Koeplet 1:
An de lien bie ’t veld, en wat mich da nit bevelt, höb ich de sjeids da wir verteld 
Bie de kassa inne riej, mèh ich sjtel mich nit derbie, loop der sjtroal an vurbie
In de douche sjtón ich allein, wèrme sjtroal naeve de bein, joa dat deet toch eederein
Ich bleef sjtiekem genete, va mieng neëgelkes aafbiete
Trek ee velke deraaf, want ich lieër ut nit aaf

Refrein:
Want ich gón durch
En blief mèh goa
Ken de verleiding nit wirsjtoa
Want ich höb gein zîn um ut aaf te lieëre
Yolololololo (3x)
Want ich höb gein zîn um ut aaf te lieëre

Koeplet 2:
Mit dees daag vôal derop, mit ’n pilske sjtón ich óp, zelfs mienge kater vingt dat top 
Lekker sjanse an de tap, maedje bringt mich va de wap, hoal mich ieëlènd óp de kap
Thoes an de vega gewend, mèh noe sjtón ich mit de band, in die sjtinke shoarmatent
Vat noe al elf kieër de lètste, joa die sjmake toch ’t bètste
Ich gón durch bis an mieng graaf, want ich lieër ut nit aaf

Refrein
Ich gón durch, ich gif gaas, ich höb grewelich dorsjt
Ich gón durch, ich gif gaas, en noe oet vôalle borsj
Yolololololo (3x)
Want ich höb gein zîn um ut aaf te lieëre

12. Ravaasj!

Wild Vleisj

Elsloo

Intro:
Allèh, allèh, allèh
De vastelaovend maak ste mit
Ravaasj, ravaasj!

Oh ooh oh ooh oh, oh oh, oh ooh ooh oh
Oh ooh oh ooh oh, oh oh, oh ooh ooh ooh ooh
Oh ooh oh ooh oh, oh oh, oh ooh ooh oh
Oh ooh oh ooh oh, oh oh, oh ooh ooh ooh ooh

Koeplet 1:
Haol de verkleidkist mer weer oet
Vilt de baojem d’r oet
Ra va va va vaasj!

Sjtaon fijn te sjminke mit dae kwas
Bliek ’t watervas
Bla ma ma ma maasj!

Dit is dat moment
De kaffee, in hoes of de tent
Dit is dat moment
Dat alles weer maog en 't kènt

Refrein:
Allèh, allèh, allèh
De vastelaovend maak ste mit
Ravaasj, ravaasj!

De chaos mit dees daag
V’r fjèste mit de Franse sjlaag
Ravaasj, ravaasj!

Op stap mit väöl bravoere
Gaon veer op volle toere noe
Zwèj die hendjes in de loch!

Allèh, allèh, allèh
De vastelaovend maak ste mit,
Ravaasj, ravaasj! (Ravaasj!)

Oh ooh oh ooh oh, oh oh, oh ooh ooh oh
Oh ooh oh ooh oh, oh oh, oh ooh ooh ooh ooh
Oh ooh oh ooh oh, oh oh, oh ooh ooh oh
Oh ooh oh ooh oh, oh oh, oh ooh ooh ooh ooh

Koeplet 2:
Alle verseering van de moer
Lig al op de vloer
Ra va va va vaasj!

En aan de bar is ‘t zwa wiet
De bestèlling kwiet
Bla ma ma ma maasj!

Dit is dat moment
De kaffee, in hoes of de tent
Dit is dat moment
Dat alles weer maog en 't kènt

Refrein

Brök:
De lètste confetti vilt neer
Herinnert de aovend vol sfeer
De kraom de la kraom van plezeer
Make veer
Mörrige weer!

Refrein

Slot:
Oh ooh oh ooh oh, oh oh, oh ooh ooh oh
Oh ooh oh ooh oh, oh oh, oh ooh ooh ooh ooh
Oh ooh oh ooh oh, oh oh, oh ooh ooh oh
Oh ooh oh ooh oh, oh oh, oh ooh ooh ooh ooh
Ravaasj!

13. Ich loester nao mien lief

Sjöppe aos

Heel

Koeplet 1:
Ich begós iezersjterk, want ich haaj gemerktj
Ich höb energie det ut kaaktj
Mien lichaam zach zacht, det ut haaj gewachtj
Toetdet d’r weer fieëst waerdj gemaaktj
Ich sjtèl ut inj van vannacht, zoea lang es ut kin oet
Dus höb ich bedachtj, väör ut naohoesgaon-besjloet

Refrein:
Ich loester nao mien lief
Want det kin precies vertelle
Of ich d’r hiej nog eine kin besjtelle
Aan det kompas haoj ich mich vief daag vas
Ich loester nao mien lief
Mer sjteeds es ich wil weite
Of ut al tied is óm te kappe of te pleite
Den sjrieuwtj mien ganse lief
‘tis vastelaovendj man, in godsnaam: blief!’

Koeplet 2:
Ich weit neet wiej ut kin, opèns zak ich in
Mer mien lief wiltj nog neet det ich sjtop
Ich zit mich op ‘n kruk en mèt get gelök
Laaj ich mich van plezeer waal weer op
Ich sjtèl ut inj van vannacht, zoea lang es ut kin oet
Dus höb ich bedachtj, väör ut naohoesgaon-besjloet

Refrein

Brök:
En zieët mien lief den oeats ut is genog…
Den doon ich of ich douf bön en blief ich toch

Refrein

14. Ode án d'n Natte Rug

Van Lieshout en Arts

Venray

Koeplet 1:
Ovverdág, dan is ’t aecht geniēte
‘nen Dikken boontjas en ‘ne sjaal um mienen nek
Már goj ik beej de kroeg nó binne
Begint ’t fieëst, dan wer ik knettergek
En dan gutst ’t en dan klotst ’t en dan stròmt ‘t
Enne roeëjen bluts, ik goj kepot
’t Löpt mit liters van miene kiēbes
Ik wer gek… ik wieët nie wat ik mòt!

Pre-chorus:
Dus goeëj die haendjes ien de lòcht
Zet òw oksels òp d’n tòòòòòòcht

Refrein:
Ik stoj te zwieëte, zweite
Vuul meej net ’n snelkookpan
Már mòtte wieëte, weite
Trek meej daor gén zák van án
Ik stoj te zwieëte, zweite
Dur mien batse ien mien zök
Már mòtte wieëte, weite
Vastelaovend… dá’s puūr geluk!

Koeplet 2:
Ien dees tent daor göt ’t wér gebeure
Went de kòndens dén druupt dan heerlek ien mien biēr
Dit is ’t fieëst mit hoonderddūzend geure
Ruuk maergevroeg már ’s lekker án òw klieër!
En hiēr kòkt ’t en hiēr bruūst ’t en hiēr gläöjt ‘t
En dan gón weej dur, génne weg terug
Wér waerm van de Vastelaovend
Òs ode… án d’n Natte Rug!

Pre-chorus

Refrein

Brök:
En hedde gén zin
um kepot te gaon,
Wette wat?
Nòw?
Nòw, blief lekker bute staon!

Slot refrein:
Ik stoj te zwieëte, zweite
Vuul meej net ’n snelkookpan
Már mòtte wieëte, weite
Trek meej daor gén zák van án
Ik stoj te zwieëte, zweite
Dur mien batse ien mien zök
Már mòtte wieëte, weite
Vastelaovend
Vastelaovend
Vastelaovend
… dá’s puūr geluk!

15. Vastelaovend is lit!

Happy Hotdogs

Hegelsom

Koeplet 1:
Door ‘t jaor, mis ik de vibe
Aaltiêd te laat met elke hype
Gen kiës gegaete ván Gen Z
Ik daenk mei echt: wát de brie!?

Refrein:
Ma met vastelaovend huür ik d’r wer beej
En veul ik meej wer skibidi slaaaaay
Mien pekske bónt, mien patta’s wit
Mien daenske scoort een echte Tiktok hit
Maak plaats vur deze 90’s kid
‘t Is vastelaovend, vastelaovend is lit!

Koeplet 2:
Ff een selfie vur mien fans
Djuu, mien doem wer vur de lens
Hey! Een néje volger op de gram!
Bruh! Oh nae cringe, dát is os mam

Refrein

Koeplet 3:
Revolutionair een vastelaovesrap, in de polonaise, miër volgers dán op Snap
Os Youtube kanaal giët internationaal, ván Hôrs tot Amèrica, tantoe viraal
Weej gaon door tot een oor of veer, vief, SIX-SEVEN!!! Niemes ken deze aura ovvertreffe
Stemming wiëte weej aaltiêd te vinge, met autotune ken echt íederiën zinge!

Refrein

16. Nel in häör tijgervel

Spik en Span

Susteren

Koeplet 1:
Tis zóndig in het Zuuje,
Spik en Span is weer op sjtap
Het wurt ein bietje duuje
Zónne daag is väöl te krap
Want Heële, Houtem, Zöstere
Nae nörges is het mis
Omdet zondigs in het Zuuje
Ummer vrouwluujzitting is

Refrein:
En dao is Nel, 
In häör tijgervel
Het zäödje oet ós sjträötje 
Mer vanmiddig geit ze los
En zuuste Nel, 
Jao jao den wètse ’t wel
Es Nel weer oppe taofel krup 
Is carnaval begoos
Zie sjtuit den in de woos
Mit häör hakke allebei
Reup proos, alaaf 
En zicke zacke hey hey hey
Hey Nel, vriegezel en sjnel
Woor elke vastelaovesgek 
Ein bietje zoa wie Nel
Jalalaila jalalaila ja lalalalalalalala lalala
Jalalaila jalalaila ja lalalalalalalalalala

Koeplet 2:
‘ch höb ein idee
Ein broen kefee
Wo zón 150 dames duchtig los in gaon
Meziek in ’t plat
Den wètse dat ze nao 5 minute same oppe taofel sjtaon
En de ieërste kènste wel
De allersjnelste det is Nel

Refrein:
En dao is Nel
In häör tijgervel
Het zäödje oet ós sjträötje 
Mer vanmiddig geit ze los
En zuuste Nel
Jao jao den wètse ’t wel
Es Nel weer oppe taofel krup 
Is carnaval begoos
Zie sjtuit den in de woos
Mit häör hakke allebei
Reup proos, alaaf 
En zicke zacke hey hey hey
Hey Nel, vriegezel en sjnel
Woor elke vastelaovesgek 
Ein bietje zoa wie Nel

Brök:
Es sjtraks de henj zeen meug geklap
Meziek dae is gesjtop 
En alles van de taofel sjtap
De rummy baere op

Wilt Nel nog lang neet heives
Want Nel is vriegezel
En de ober hèt Michel
En dreug ein baerevel

Instrumentaal
Jalalaila jalalaila ja lalalalalalalala lalala
Jalalaila jalalaila ja lalalalalalalalalala

Refrein:
En dao is Nel
In häör tijgervel
Het zäödje oet ós sjträötje 
Mer vanmiddig geit ze los
En zuuste Nel
Jao jao den wètse ’t wel
Es Nel weer oppe taofel krup 
Is carnaval begoos
Zie sjtuit den in de woos
Mit häör hakke allebei
Reup proos, alaaf 
En zicke zacke hey hey hey
Hey Nel, vriegezel en sjnel
Woor elke vastelaovesgek 

17. 'T puntje van de tóng

De Hanebatse

Peij

Koeplet 1:
Gister zoot ich aan de tap
En vertèlde bès waal rap
Mer ich koom d’r neet mieër op
Ich woor net zoa good op dreef
Is mien geheuge wie ein zeef
En ich veel, ech hieëlemaol stop
Ich kèn, ’t doezendj kieër zègke
’t Is neet óm oet te lègke

Refrein:
Op ’t puntje van de tóng
’t Puntje van de tóng
Dao ligkt ’t leedje det ich gister nog zóng
De móp die ich net wool vertèlle
’t Deenblaad det ich héj mótte bestèlle
Op ’t puntje van de tóng
’t Puntje van de tóng
Dao ligkt ’t leedje det ich gister nog zóng
Ich huuer die melodie
Mer weit allein neet wie
Wie ich det leedje gister zóng
Ich krieg ’t nondepie
Toch neet mieër op ein riej
’t Ligktj op ’t puntje van mien tóng

Koeplet 2:
Ich vertèl ech hónderd oet
Op èns kömp d’r weer niks oet
Waat woor det auch alweer
Kalle mit mien veut en henj
Staon ich mit de moel vol tenj
Ich weit ’t ech neet meer
Ich kén, ’t doezendj kieër zègke
’t is neet óm oet te lègke

Brök:
Opèns geit mich ’n lempke brenne
’t Kömp bönne wie ein gong
Ich huuer de minse rope, enne?
Dae zungk mit döbbel tong

Refrein

18. Vastelaoves-afterparty

Ivana

Brunssum

Koeplet 1:
Is ut dinsdig al laat
En ut aller-letste vaat
Is kraaklaeg en de lampe goon aan
Kriegt gans Limburg ut zjwaor
't Is weer klaor veur un jaor
De kastelein dreijt de sjtop oppe kraan
Mer, os Zuuderhart wil wiejer
Dus, ver goon nog neet nao hoes
Kom, dan plek veer tied derbie, bie mich thoes!

Refrein:
Gaef unne Vastelaoves-afterparty
Gein miensj wil noe al goon
Want, hie in Limburrig begin ver pas wannier ut liek gedoon
Kom nao dae Vastelaoves-afterparty
Angesj wach ver sjtraks ‘n jaor
Trik die gordiene toe
Deze bak geluk dae is nog lang neet klaor!

Koeplet 2:
Hub ver nachsjieg gedreijt
Tot de kroegdeur toesjleit 
En der barmaan dae vaegt os der oet
Jao, dan raojt geer geheid
Wao ut fees wiejer geit
Want, ozze vier-drang dae kriegse neet droet
Ut veurprogramma van der kater
Haet ozze hartekreet gehuurd
En sjtopt neet veur de zon dur de gordiene gluurt!

Refrein

Brök:
En es de after sjtraks veurbie is, want der tied dae dendert toch
Gaef ich ‘n after-afterparty
Want, van Vastelaovend krieg ver nooit genog
Nae nooit genog!

Refrein (2x)

19. Sóms zitj ’t mej...

Doospelse Aod Prinse

Ospel

Intro:
Sóms zitj ’t mej en sóms zitj ’t tege
Isj mich te snel nao de kop tow gestege
Bliêftj ’t waal druuëg as ich d’r eîne laot vlege
Sóms zitj ’t mej en sóms zitj ’t tege

Koeplet 1:
Ich zaag ze binne kome, Cupido schoot raak
Nao twieë minute kalle, waas ich zeker van mien zaak
Ich reep nao miêne kammeraod, zeg dit es waat ich zuûk!
Hoho neet te rap, ich kin ze zónger schmînk en pruûk

Refrein:
Sóms zitj ’t mej en sóms zitj ’t tege
Isj mich te snel nao de kop tow gestege
Sóms zitj ’t mej en sóms zitj ’t tege
Nao sloetingstiêd nao hoês te bewege
Mer mette vastelaovendj laeve vae op good gelök
‘t Glaas is hâlf vôl en make os veer daâg neet drök
Bliêftj ’t waal druuëg as ich d’r eîne laot vlege
Sóms zitj ’t mej…oh jao... en sóms zitj ’t tege

Koeplet 2:
Ich kreeg van miêne baas, unne tillefoon
Zoeëne deure klommel, waoje alles mej kintj doon
Mer oppe dinsdigaovendj, leep ich auch op mien indj!
Toen woord door dae prul, toch mien gezicht neet mieër herkintj

Refrein

Brök: 
Is ’t glaas hâlf leeg en ontbraektj zónneschiên
Dan is vanaovendj... vastelaovendj... ’t juuste mediciên

Slot refrein:
Sóms zitj ’t mej en sóms zitj ’t tege
Jalalalalalalalalalalalala
Sóms zitj ’t mej en sóms zitj ’t tege
Jalalalalalalalalalalalala
Mer mette vastelaovendj laeve vae op good gelök
‘t Glaas is hâlf vôl en make os veer daâg neet drök
Bliêftj ’t waal druuëg as ich d’r eîne laot vlege
Sóms zitj ’t mej…oh jao... en sóms zitj ’t tege
Sóms zitj ’t mej…….en sóóóóóms zitj ’t teeeeege!

20. Gebaore Um Te Leave

Andy en Roy

Valkenburg

Refrein:
Veer zeen gebaore om te laeve
Neet sjtil staon, ich wil gaon
Vol in de Vastelaovend
Haol alles oet de aovend
en nacht... Vannacht 
Veer zeen gebaore om te laeve
Neet sjlaope, blief aope
Vergaet de klok te kieke
Gein tied om te bezjwieke
Vannach… Vannach… Vannach

Koeplet 1: 
Ich woor drie kretjes grwaat en wis
Dat d’r gaaroets niks sjiekers is
Dan dit! Dan dit!
Ich woar te klein, mer ich greujde door
Tot de daag aangebraoke woar...
Veur mich… Veur mich
En zoog ich bin wie dich 

Refrein

Koeplet 2: 
Dien geneetvanutlaeve-gen
Haet mich zoeveul gegaeve én...
Geit door! ... Geit door! 
Want net zoë wie’s doe dat vreuger deegs
Stjtoan ich vief daag in dien Cafees
Ich gaon… Ich gaon
Want hauf goan is niks gedoan

Refrein

Brök:
Aan elke theek En elke tap
Dao weurd ut gezag
Wae laeve wil, en alles Gaeve wil
Blieft hiej tot vannach

Refrein

Lalalala...