Vaan Eysde tot de Mokerhei

Refrein:
Vaan Eijsde tot de Mookerheij lop eederein te zinge
Vaan Eijsde tot de Mookerheij steit eederein te springe
't Is vastelaovend heij, komt allemaol debeij, heij heij
Want luij, heij is get oet, vaan Eijsde tot in Mook

Couplet 1:
Gans Limburg is unnen dolle boel 't sjonkelt op en neer
De zuus norreges gei water mie de Maos zelfs ruuk naor beer
D'n optoch trek door eeder dorp, jao Limburg is noe ein
En erm in erm trek eeder met want geine steit allein

Couplet 2:
Pestoer lop in e duuvelskleid, de borger es aajd wief
En dee preutse vaan d'n hook met e bloet bovelief
En eederein lop oet de maot, herremeniekes euveral
Confettie dwarrelt door de straot jao dat is carneval