't Vastelaoveskroege-ritme

Refrein:
’t Vastelaoveskroege-ritme
Zit de tent gans oppe kop
Lekker stampe op de vloer
Ss ein geweldig kroegekoeër

’t Vastelaoveskroege-ritme
Dao kintj gaar niks taege op
Wae doon ut tegooj, zonger gespooj
Stoppe pas as de beerkraan stop


Koeplet 1:
Sjrieuwtj de buurvrouw get gestress
’s Mörges om ein oor of zes
Oet de raam “ich mot zoë werke”
Wins häör den väöral succes

Triktj d’n optocht door de straot
Langs ein yogaklas den laot
Oze joekskapel ins binne
Get lawaai kin toch gein kwaod

Eine viefdaagse beersjeet, ein krakende krök
Ein glaas det vélt, ein rundje besteld, zoë klinkt os gelök


Koeplet 2:
Gank vandaag ins väör de grap
Mit de frietkraombaas op stap
Waerdj vannach nao sjloetingstied
Gein beer mer mayonais getap

Haet de klager van de buurt
Weer veer klachte ingestuurd
Zorg den det hae toet vastelaoves-
murgesvreug dit leedje huurt

Eine viefdaagse beersjeet, ein krakende krök
Ein glaas det vélt, ein rundje besteld, zoë klinkt os gelök