Ver laeve mer eine keer

ver laeve mer eine keer, en zolang profitere veer 
de vastelaovend is ‘n kans, dae geit ós ech neet d’r langs  
want hie wurd gezónge, gelache, gedans!
ver laeve mer eine keer, veer geneete mer al te gaer    
veer gaon de sjpas achternao, gans egaal wie of wao  
ver zin mer eine keer dao.

’t waor verrèks gezellig, en auch lang nog neet gedaon 
toen zag zie gans inèns : “ Kóm jóng, veer gaon nao hoes ! “
ze sjting al met jes gereit, en zag “ kóm op ver gaon !
’t is good gewaes .. finito .. ’t is sjloes .. ! “
Mer hae dach dao gans angesj euver, keek daobie neet blie 
en zag : “Mèh sjat doe bes waal gek ! ver blieve nog get hie …!!“

miljaar !! dao kaom de raekening van ’t leech en van ’t gaas …!!
Ooooh, zie sjrok .. !! zie zaot metein in zak en as.     
mer hae meinde : “ Nae niks  !! ….veer gaon viere  met die daag  
auch al zitte ver noe effe krap bie kas.                               
en daobie kump : “op sjtap gaon”, dat is ech ’n wies besjloet,
want thoes kan dan intösje de verwerming effe oet.

ver laeve mer eine, ver laeve mer eine, veer laeve mer eine keer.
Ver mótte beseffe , ver laeve mer effe,  ver zin d’r mer eine keer..
Griep alle meneere, óm ’t laeve te viere, want noe is ’t tied ( 3 x ) d’r veur!