Ut Vastelaovesapparaat

Koeplet 1:
Einstein zoot d’r wel us naeve
Mit zien hendjes in ut haor
Natuurwètte hebbe ut begaeve
Mit de sjonste drej daag van ut jaor
Hae zei: “Doe kriègs noeits mier energie dan ‘se hees!”
Ich zeg: “Dan is dae Einstein hej nog noeits in Limburg gewees!”

Refrein:
As ut Vastelaovesapparaat begint te dreije
Begint de minsemassa langzaam oeht te deije
Dae ganse meute kump muijteloos op stoum
Zonger benzièn, zonger gaas of zonger stroum
As ut vastelaovesapparaat begint te dreije
Hooft gèn zon te sjiène, gènne wind te weije
Ut vrugt gèn genie
Hej kriegse gratis en vur niks 
Eindeloze energie

Koeplet 2:
Newton vong ut ronkoeht absurd
Ut leek hum un utopie
De aantrekkingskrach dae hej opgewekt wurd
Klopt vur gènne maeter mit zien theorie
Hae zei: “Det kin neet! Zoë heb ich ut neet gelierd!”
Ich zeg: “Dan heet dae Newton nog noeits vastelaovend gevierd!”

Brug:
Hees se efkes hej gestaon, hees se mit os mitgedaon
Wacht mer aaf, dan merk se ut vanzelf
Hees se efkes hej gestaon, hees se mit os mitgedaon
Krieg se zoëmer energie vur elf!