Wae zaet mich?

Intro:
Op ‘t eind van d’n aovend paks dich miene erm
En zaes dat ver ech motte goon
En ich zigk dich rech in dien geschmienkte gezich 
Wat ich mit die weurd zal goon doon

Refrein:
Wae zaet mich (neet dich!)
Wielaat vandaag d’n eindtied is?
Wae zaet mich (neet dich!)
Of ich de boot anders neet hub gemis? 
Wae zaet mich (neet dich!)
Dat ich murge neet ligk in mien kis? 
Dus, wae zaet mich dat dit de letste al is?

Koeplet 1:
Ich num vandaag ech gein blad veur de mond
Allein es der ein beerglaas op sjteit (Atje!)
En nao ellef runj es dich zaes: “’t weur te bond!” 
Dan zigk ich vol passie geheid:
“Jong zjwieg de moel en sjei oet mit dae sjtress!
In ut laeve gooise neet altied zes
Dus, loester nao dees feesvier-les:” 

Koeplet 2:
Ut is Vastelaovend, dus ich bin de baas
Kumps dich dao nog altied neet bie? (Duh?!)
Dus, help door mich neet mier te helpe vandaag
En laot mich veurluipig mer hie!
Zoelang de sjpass hie nog gans gratis is
Loop ich dae Vasteloaves-dosis neet mis
Dus, veur wae ut nog neet wis: 

Brug:
Dus, aan ederein dae zaet: “Ver goon neet wier.” 
Zigk ich: “Kom op, doe laefs toch mer eine kier!”

Slot:
Jaalaa jalalalaa 
Jalalalalala lalalalaa 
Jaalaa jalalalaa 
Gooi gein zes, mer gooi elf
Bin neet ins op de helf
Dus, ich blief en dat zigk ich mich zelf!