Mörge gratis beer

Koeplet 1:
Bèste kastelein, ich höb names ederein
Deze breef speciaal väör dich gemaaktj
De Vastelaovendj kumptj d’r aan 
En den löptj biej dich de kraan
Mer de beerpries dae geitj bienao door ut daak
En ut is mesjiens get bale
Mer wae sjtoppe mèt betale

Refrein:
Want dao sjteit: Mörge gratis beer
Op ein bördje aan de tap
Mörge gratis beer
Of, is det noe juust de grap?
Want gaon wae mörge weer op sjtap
Hingtj det bördje aan de tap
D’r net es gister weer
En wieze wae den nao de kraan
Den wiestj hae det bördje aan
En sjteit d’r mörge gratis beer

Koeplet 2:
Bèste brouweriej, kintj gae väör un daag of drie
De raekening in Limburg äöverslaon?
Gae kintj toch op zien minst
Waal ein paar daag songer winst
Toet vastelaovendj in ut zuuje is gedaon
En ut is mesjiens get bale
Mer wae sjtoppe mèt betale

Brug:
Dus vier al daag vastelaovendj
Puur väör alle zekerheid... 
Of det bördje äöver mörge, 
Of äöver äöver-mörge geit? 
(Jao dao steit!)

Slot:
Dus ich zal zörge
Det ich ut mörge
Of toet aswoonsdig weer probeer!