Code 'road-gael-greun'

Refrein :

Al sjteit ’t water ós aan de luppe,
hie is de code ‘road-gael-greun’ veur ederein.
Al hingk de kater ós aan de sjluppe,
es ich die code roop, wèt Limburg wat ich mein.
Wèts doe wat al die natigheid
mèt ózze vastelaovend deit?
Mèt optoch, leedjes, prins en buut,
of blief allein mer de blauw sjuut?
Al sjteit ’t water ós aan de luppe,
hie blief de code neet geheim,
en hilt de sjpas ós op de bein.

Couplet 1:

Wèts doe wo ich benauwd van krieg?
De sjpegel van de ziè dae sjtieg,
wat is toch aan de hand mèt ós klimaat?
Wèts doe es sjtrak de Noordpool sjmilt,
wae al dat water taegehilt?
Wat maak ’t oet? veer zin geweun paraat!

Couplet 2:

Wèts doe wo mènnigein van druimp?
Dat Limburg gans weurt euversjtruimp,
d’n allerdruègste humor weurt nog naat.
Wèts doe dat hie d’n iesbaer kump,
d’n hièring zoa dien moel in zjwump?
Wat maak ’t oet? veer zin geweun paraat

Brök:

Al geuf ’t dónder, bliksem, hagel, sjtörm en raege,
dao kint d’n echte vastelaovesgek waal taege.
Al geuf ’t codes in de kleure van de raegebaog,
de vastelaovesgek geit door! Dat is gein vraog.